Çinin Ticarət Nazirliyi ABŞ-ın beş Çin neft şirkətinə qarşı tətbiq etdiyi sanksiyaların tanınmasına və onlara əməl olunmasına qadağa qoyan qərar çıxarıb.

Globalinfo.az-ın xəbərinə görə, sənəddə qeyd olunur ki, İran nefti ilə ticarətə görə tətbiq edilən sanksiyalar qanunsuz hesab olunur.

Xüsusilə, vurğulanır ki, “Hengli Petrochemical” şirkətinin İranla heç bir işgüzar əlaqəsi olmayıb:

“ABŞ-ın müvafiq sanksiyaları tanınmamalı, icra edilməməli və onlara əməl olunmamalıdır”, – deyə məlumatda vurğulanıb.

Çin Xarici İşlər Nazirliyinin rəsmi nümayəndəsi Lin Tsyan isə bildirib ki, Pekin milli şirkətlərin qanuni hüquq və maraqlarını qətiyyətlə qoruyacaq.

Xatırladaq ki, Vaşinqton İrana hərbi avadanlıq tədarükü təsdiqlənəcəyi təqdirdə, Pekinə qarşı 50 faiz həcmində rüsum tətbiq edəcəyi ilə hədələyib. Çin diplomatları isə bildiriblər ki, Tehrana silah verilməyib. Daha əvvəl Çin Xarici İşlər Nazirliyi İrana gəmi əleyhinə raketlərin satılması ilə bağlı məlumatları da təkzib edib.