Dəmir yumruğun Ermənistan siyasi elitasına etdikləri sadəcə təəccüblüdür. 90-cı illərdə Ermənistan nümayəndələrinin müzakirə olunan istənilən sənəddə ərazi bütövlüyü prinsipindən bəhs edilməsinin qarşısını necə aldığını xatırlayıram.

Axar.az xəbər verir ki, bunu sabiq xarici işlər naziri, politoloq Tofiq Zülfüqarov deyib.

“Ən xarakterik nümunə 1991-ci il Almatı bəyannaməsidir, onların prinsipləri parlament səviyyəsində bu günə qədər faktiki olaraq tanınmayıb. İndi isə Paşinyan və onun tərəfdarları hər fürsətdə bu beynəlxalq prinsipi və ən əsası, əvvəlki illərdə tanımadıqları Ermənistan SSR-in sərhədlərinin tanınmasına nail olmaq istəklərini önə çıxarmağa çalışır. Baş nazirin pencəyinin yaxasındakı Ermənistana aid olmayan Zəngəzurun əks olunduğu bu yöndəmsiz nişan bunun göstəricisidir.

Və Estoniyanın mərhum prezidenti Arnold Rüütelin dediyi kimi, “Cənubi Qafqazın Miloşeviçləri” - iki cinayətkar, Köçəryan və Sərkisyan peyda olub. Əlbəttə ki, onlar güc balansını dəyişdirə və "Qarabağı qaytara" bilməyəcəklərini başa düşür və hətta bunu edəcəklərinə söz versələr belə, ağlı başında olan heç kim onlara inanmayacaq. Lakin “kuklaçılar”ın onlara verdiyi rola uyğun olaraq, Nyu Yorkun axmaq meri kimi siyasi leksikonda köhnə hekayələri saxlamağa çalışırlar. Açıq desək, Azərbaycanda bir çoxları rəqibinin səhv edib özünü ifşa edəcəyi anı səbirsizliklə gözləyir”, - o bildirib.