Baş nazir Nikol Paşinyan tezliklə Ermənistan Təhlükəsizlik Şurasının iclasını çağıracaq.

Globalinfo.az xəbər verir ki, bu barədə “News.am” məlumat yayıb.

Nəşrin yazdığına görə, Ermənistanın daxili işlər naziri Arpine Sarkisyan Milli Assambleyada jurnalistlərə açıqlamasında sözügedən məsələ haqda dnışıb.

O, Təhlükəsizlik Şurasının iclasında iştirak etməyə tələsdiyi üçün müsahibə verə bilmədiyini deyib.

Qeyd edək ki, Paşinyan bir qədər əvvəl Rusiyada Prezident Vladimir Putinlə gərgin görüşü keçirib. Ekspertlər bu görüşün ciddi təzyiqlərlə müşayiət olunduğunu bildiriblər. Baş nazirin TŞ-nin iclasını çağırması Rusiyanın Ermənistanda keçiriləcək seçkilərin təşkilinə və nəticəsinə müdaxilə ehtimalını gündəmə gətirib.

Azərbaycanla sülh prosesinin uğurla davam etdiyi bir vaxtda Paşinyanın Təhlükəsizlik Şurasını iclasını çağırması Rusiya amili ilə əlaqəndirilir.