Kuba hökuməti ABŞ-ın son bəyanatlarına sərt reaksiya verib.

Globalinfo.az xəbər verir ki, bu barədə Kubanı xarici işlər naziri Bruno Rodriges X sosial şəbəkəsində paylaşım edib.

XİN rəsmisi bildirib ki, hüquq və ədalət Kubanın tərəfindədir, ABŞ-ın davranışı isə təkcə Qərb yarımkürəsinin deyil, bütün dünyanın təhlükəsizliyini təhdid edir. Onun sözlərinə görə, Vaşinqton özünü “cinayətkar və nəzarətsiz hegemon” kimi aparır.

Rodriges qeyd edib ki, Kuba ABŞ-dan fərqli olaraq muzdlu əsgərlərdən istifadə etmir, şantajla məşğul olmur və digər ölkələrin daxili işlərinə hərbi müdaxilə etmir.

Xatırladaq ki, yanvarın 11-də ABŞ Prezidenti Donald Tramp Kubanın artıq ABŞ-dan pul və ya neft almayacağını bəyan edib. Həmin gün Tramp ABŞ dövlət katibi Marko Rubionun Kuba Prezidenti təyin olunması ideyasını da “əla fikir” adlandırıb.

Bundan əlavə ABŞ Prezidenti bir müddətdir Kuba ilə bağlı işğalçı fikirlər səsləndirir. Bu isə Avropada birmənalı qarşlanmır.