“Qəzzada hərbi əməliyyat İsrail anklav üzərində tam nəzarəti bərqərar edən kimi başa çatacaq”.

Globalinfo.az xəbər verir ki, bunu İsrailin baş naziri Benyamin Netanyahu “Sky News” telekanalına müsahibəsində deyib.

“Biz müharibənin sonuna yaxınlaşırıq. İran və onun etibarlı qüvvələrinin iştirak etdiyi yeddi cəbhədə müharibə yekunlaşmaq üzrədir. Hətta HƏMAS hərəkatı ilə razılıq əldə olunsa belə, İsrail ordusu Qəzzaya nəzarəti tam bərqərar edəcək. Buna şübhə yoxdur, hərəkat anklavda qalmayacaq. Mən dəfələrlə demişəm ki, bu müharibə bu gün başa çata bilər: HƏMAS silahlarını yerə qoysa və qalan 50 girovu azad etsə, hərbi əməliyyatlar yekunlaşacaq”.

O qeyd edib ki, İsrailin məqsədi anklavı işğal etmək deyil:

“Məqsəd Qəzzanı, İsraili HƏMAS-ın zülmündən qurtarmaq, fərqli gələcək bəxş etməkdir. Ancaq regionda sabitliyin təmin edilməsi strategiyası güc prinsipinə əsaslanır”, – Netanyahu vurğulayıb.