Türkiyə Cümhuriyyət Xalq Partiyasında (CHP) yeni qalmaqal yaranıb.

Publika.az Türkiyə mətbuatına istinadla xəbər verir ki, CHP-nin sədri Özgür Özəl sabiq sədr Kamal Kılıçdaroğlu ilə görüş təyin edə bilmir.

Bildirilib ki, Özəl son bir həftə ərzində üçüncü şəxslər vasitəsilə Kılıçdaroğlu ilə görüş təyin etməyə çalışsa da, Kılıçdaroğlu iş qrafikini və tətilini əsas gətirərək bu təklifi rədd edib.

Kılıçdaroğlunun bu münasibəti həm də “Vasitəçilərlə işim yoxdur” mesajı kimi dəyərləndirilib.

İkili arasında son planlaşdırılmış görüş 2 sentyabr 2024-cü ildə, Konstitusiya Konqresindən əvvəl baş tutmuşdu.