“Konstitusiya Dəyişiklikləri Şurasının iclası bu ayın sonu və ya gələn ayın əvvəlində baş tutacaq”.

Teleqraf xəbər verir ki, bunu Ermənistanın ədliyyə naziri Srbuhi Qalyan jurnalistlərin yeni Konstitusiyanın hazırlanması prosesinin hansı mərhələdə olması barədə sualını cavablandırarkən deyib.

Nazir bildirib ki, şuranın iclasında yeni Konstitusiyanın mətni müzakirə ediləcək:

“Şura üzvlərinə işlənib hazırlanmış müəyyən müddəaları təqdim edəcəyik, amma mən o vaxta qədər əlavə təfərrüat vermək istəmirəm”.

Konstitusiyanın preambulasından Azərbaycan və Türkiyəyə qarşı ərazi iddialarının yer aldığı Müstəqillik Bəyannaməsinə istinadın çıxarılıb-çıxarılmayacağı məsələsinə gəlincə, Qalyan qeyd edib ki, bu məsələdə aydınlıq yoxdur.

“İctimaiyyət iclasda nələrin müzakirə olunduğu və hansı qərarların qəbul edildiyindən xəbərdar olacaq”, - nazir vurğulayıb.