Cənubi Koreyanın sabiq Baş naziri Hvan Gyo An prezident seçkilərində iştirakdan imtina etdiyini açıqlayıb. O, bu qərarını mühafizəkar “Vətəndaş Gücü” partiyasının namizədi Kim Mun Sunun xeyrinə verdiyini bəyan edib.

Globalinfo.az xəbər verir ki, siyasətçi bu barədə feysbuk hesabında məlumat yayıb.

“Bu gün prezidentlik iddiasından rəsmi olaraq geri çəkildiyimi açıqlayıram. Mən ikinci nömrəli namizəd – Kim Mun Sunu dəstəkləyəcəyəm”, – deyə o yazıb.

Qeyd edək ki, Hvan Gyo An 2015–2017-ci illərdə Cənubi Koreyanın Baş naziri olub və 2016-cı ildə prezident Pak Kın Henin impiçmentindən sonra bir müddət prezident səlahiyyətlərini icra edib. O da mühafizəkar düşərgənin nümayəndəsi kimi tanınır.

Cənubi Koreyada keçirilən son rəy sorğusuna əsasən, müxalif “Toburo” Demokratik Partiyasının prezidentliyə namizədi Li Ce Myon respondentlərin 49,2 faizinin dəstəyini qazanıb. Onu 36,8 faiz səslə Kim Mun Su izləyir.