“Uşaqlar onları dilənçiliyə sövq edən valideynlərinə qaytarılacaqsa, yenidən dilənməyə məcbur ediləcəklər. Hansısa mexanizm qurulmalı, küçədə tutulan uşaqlar anındaca həmin yerə göndərilməlidir. Yenidən o uşaqların küçəyə qayıtmasına icazə verilməməlidir. Bu gələcəkdə bir nəslin məhv edilməsinə, böyük problemlərin yaranmasına səbəb ola bilər”.

Globalinfo.az xəbər verir ki, bu fikirləri Milli Məclisin bugünkü plenar iclasında deputat Fazil Mustafa deyib.

“Ötən gün bir neçə valideyn məktəb direktoruna uşaqlarını dini məktəbdə oxutmaq istədiklərini, məktəbə göndərməyəcəklərini bildirmişdilər. Qanunvericilikdə dəyişikliklər edilməlidir. Dövlət nəzarətindən kənarda harada dini təhsilə cəlbolunma halı olarsa, həmin insanları insan alveri qurbanı kimi xarakterizə etməliyik. Çünki biz dünyəvi dövlətik, uşaqlar dünyəvi təhsildən kənarlaşdırılmamalıdır. Uşaqların xaricdə dini təhsilə yönəlməməsi üçün qanunvericilikdə dəyişikliklər edilməldir.

Bundan başqa, aprelin 20-də 9-cu siniflər imtahanlarını bitirib, biz isə təhsil müddətini iyunun ortalarına qədər uzatmışıq. Kim bir ay müddətində dərs oxuyacaq?!” – deputat qeyd edib.