Rusiya 2014-cü ildə Ukraynanın Donbas bölgəsində vurulan Malayziya Hava Yollarına məxsus sərnişin təyyarəsinin faciəsinə görə məsuliyyət daşıyır.

Globalinfo.az xəbər verir ki, bu barədə BMT yanında fəaliyyət göstərən Beynəlxalq Mülki Aviasiya Təşkilatı (ICAO) qərar qəbul edib.

Bildirilir ki, Rusiya bu hərəkəti ilə beynəlxalq mülki aviasiyanı tənzimləyən Çikaqo Konvensiyasının mülki hava gəmilərinə qarşı silah tətbiqini qadağan edən müddəasını pozub.

Qurum yaxın həftələrdə Rusiyanın bu hadisəyə görə necə təzminat ödəməli olduğu məsələsini də müzakirəyə çıxaracaq.