“Ermənistan Baş naziri Nikol Paşinyanın impiçment prosesi hazırda İrəvanın əsas siyasi gündəmidir”.

Globalinfo.az xəbər verir ki, bunu erməni ictimai xadim Narek Malyan deyib.

O qeyd edib ki, bəzi erməni siyasətçilər hələ də bu həqiqəti dərk etmirlər:

“Bunu nə qədər tez başa düşsələr, prosesdə bir o qədər az zərər görəcəklər. İctimaiyyətə məlumat verilir ki, Nikolun vəzifədən çıxarılması üçün yeganə vasitə impiçmentdir. Bildirilir ki, bundan sonra sözügedən prosesdən başqa istənilən addım saxtadır və Nikolun uzaqlaşdırılmasında heç bir rolu olmayacaq. Maraqlıdır ki, hazırda müxalifət deputatları impiçmentə müqavimət göstərir. Çünki onların namizədi yoxdur. Nəticədə prosesə start vermək olmur”.

Malyan yaxın günlərdə nə baş verəcəyinə dair 3 ssenari bölüşüb:

“Bu, yaxşı, orta və böhran vəziyyətdir. Yaxşı variant odur ki, müxalifətdən olan deputatlar razılığa gəlirlər, öz namizədlərini irəli sürürlər və impiçment prosesinə başlayırlar. Orta vəziyyətdə bəzi müxalifət deputatları etimadsızlıq təşəbbüsü ilə çıxış edir, digərləri isə prosesə qoşulmaq məcburiyyətində qalırlar. Böhran variantda isə müxalifət deputatları razılığa gəlmir və müstəqil olaraq, etimadsızlıq prosesini başlatmırlar. İctimaiyyət özü namizədi yaradır və müxalifəti impiçment təşəbbüsü ilə həmin namizədin adı ilə imza atmağa məcbur edir”.