Krım, Donetsk, Luqansk, Xerson və Zaporojye vilayətlərinin mülkiyyətinin (Rusiya ərazisi kimi – red.) beynəlxalq səviyyədə tanınması Ukraynadakı münaqişənin həlli üçün zəruridir.

Teleqraf xəbər verir ki, bu barədə Rusiya xarici işlər naziri Sergey Lavrov bildirib.

“Ukraynada nizamlanma ilə bağlı Rusiya və ABŞ arasında dialoq davam edir və biz qarşılıqlı məqbul nəticələrə nail olacağımıza ümid edirik”, - nazir deyib.

Xatırladaq ki, Rusiya Krımı 2014-cü ildə, Donetsk, Luqansk, Xerson və Zaporojyeni isə 2022-ci ildə ilhaq etdiyini açıqlamışdı. Ukrayna bu bölgələrindəki Rusiya işğalını tanımır.