Sərhədin demarkasiyasının növbəti mərhələsi nəticəsində Ermənistana daxil olan qaz kəməri sərhəddən kənarda qalacaq.

Teleqraf xəbər verir ki, bu barədə erməni jurnalist Voskan Sərkisyan məlumat verib.

“Noyemberyanın Koğb və Berdavan kəndləri arasındakı sərhəddə yerləşən Cənubi Qafqazın üç respublikasının sərhədlərinin kəsişməsindən Azərbaycanla sərhədin demarkasiyasının növbəti mərhələsinin başlayacağı rəsmən açıqlanıb. Noyemberyan sərhəd zonasında xidmət edən hərbçilər bildirirlər ki, sərhədin demarkasiyasının yeni mərhələsində bəzi ərazilər (Yuxarı Əskipara, Barxudarlı və Sofulu) Azərbaycana təhvil veriləcək. Nəticədə qeyd olunan ərazidə, sərhəd xəttinin təxminən 100 metrliyində yerləşən Ermənistana daxil olan qaz xətti sərhəddən kənarda qalacaq”, - jurnalist bildirib.