ABŞ-da sanksiya siyasəti və idxala tariflərin tətbiqi qlobalizm düşüncəsindən məhrum olan yeni iqtisadi düşüncədən xəbər verir.

Publika.az xəbər verir ki, bu barədə Britaniyanın Lordlar Palatasının üzvü Robert Skidelski "YouTube"da bildirib.

Onun fikrincə, sanksiyalar qloballaşmanın dağılmasını sürətləndirib.

"Onlar dünyanı üç yerə bölüblər: sanksiya tətbiq edənlər, sanksiyaya məruz qalanlar və aralarındakı ölkələr. Bu, NATO-nun, Sovet İttifaqının rəhbərlik etdiyi Varşava Müqaviləsi və Çin və Hindistanla Qoşulmama Hərəkatının mövcud olduğu Soyuq Müharibə dövrünü çox xatırladır ", - Skidelski bildirib.

Siyasətçi vurğulayıb ki, tarix yenidən təkrarlanır; hazırda mövcud siyasi ittifaqlar əsasında yeni qlobal bazarlar formalaşmağa başlayıb.

"Sanksiyalar və tariflər hələ ki, qlobalizmin tam dağılmasına səbəb olmayıb, lakin onlar qlobal iqtisadiyyatın birliyinin inkarının bir hissəsinə çevriliblər. ABŞ Prezidenti Donald Tramp isə tariflərlə ABŞ-ı ən sərfəli vəziyyətə salmağa çalışır", - Britaniya Lordlar Palatasının üzvü bəyan edib.

Bundan əvvəl Polşanın Baş naziri Donald Tusk Varşavada keçirilən yeni texnologiyalar forumunda çıxış edərək , “sadəlövh qloballaşma” dövrünün başa çatdığını elan edib.