Birinci rübdə Çin Rusiyadan neft idxalının həcmini illik müqayisədə 14,7% azaldıb.

Publika.az xəbər verir ki, əlumatı Çin Xalq Respublikasının Baş Gömrük İdarəsi təqdim edib.

Beləliklə, bu rəqəm 24,315 milyon tona düşüb.

Bu dövrdə Rusiyadan neft tədarükünün dəyəri 13 milyard dollar təşkil edib ki, bu da ötən ilin yanvar-mart ayları ilə müqayisədə 22% azdır . Rusiya Çinə neft tədarükçüləri arasında hələ də birinci yerdədir.

Daha əvvəl "Bloomberg" iki ölkə arasında ticarət müharibəsinin kəskinləşməsi səbəbindən ABŞ -dan Çinə neft axınının çox güman ki, sıfıra enəcəyini yazmışdı. Nəşr bildirib ki, cari tarif səviyyəsi saxlanılarsa, bu yaxın aylarda baş verəcək.

Rusiya Federasiyası xarici işlər nazirinin müavini Andrey Rudenko bəyan edib ki, Rusiya tərəfi Çinə bu ölkənin ehtiyac duyduğu qədər neft göndərməyə hazırdır.