Rusiya Federasiya Şurasının İnformasiya Siyasəti və Media ilə Qarşılıqlı Əlaqələr Komissiyasının rəhbəri Aleksey Puşkov Aİ ölkələrinin amerikalı sahibkar və ixtiraçı İlon Maska cərimə tətbiq etməsi perspektivlərini dəyərləndirib.

Publika.az xəbər verir ki, o, bu barədə öz "Telegram" kanalında yazıb.

“...Məlum olduğu kimi, Brüssel öz yalanını təkrar etməyən hər şeyi “dezinformasiya” adlandırır... Maska liberal Avropada, bəlkə də Tramp və Vensdən daha çox, xüsusən də Almaniyada AfD-ni dəstəklədiyinə və öz fikrini sərbəst ifadə etdiyinə görə nifrət edilir. Bu, müasir Avropa üçün tamamilə qəbuledilməzdir”, - Aleksey Puşkov vurğulayıb.

Aleksey Puşkovun sözlərinə görə, avropalı məmurlara Maskın ABŞ funksionerləri iyerarxiyasında yüksək mövqe tutması mane olur. O, İlon Maska təzyiq cəhdlərinin AB-nin Donald Trampın əvvəllər tətbiq etdiyi ticarət tariflərinin artırılmasına cavabı ola biləcəyini iddia edib.