Yunanıstan çoxillik müdafiə planı çərçivəsində 25 milyard avro xərcləməyi planlaşdırır.

Axar.az xəbər verir ki, bu barədə ölkənin Baş naziri Kiriakos Miçotakis parlamentdə çıxış edərkən deyib.

O bildirib ki, bu addım Afinanın 2009-2018-ci illərdə uzunmüddətli qənaət rejiminə səbəb olan borc böhranından çıxma dövründə silahlı qüvvələrini modernləşdirmək səylərinin bir hissəsidir.

Plan 2036-cı ilə qədər davam edəcək və yeni sualtı qayıqların, yeni hava, dəniz və sualtı PUA-ların və rabitə peykinin alınmasını əhatə edəcək. Pulun bir hissəsi “Axilles Qalxan”ı adlanan zenit və dron qübbəsinin hazırlanmasına sərf olunacaq.