Yəməndə İranın dəstəklədiyi Husilər İsrailin paytaxtı Təl-Əvivdəki Ben Qurion hava limanına və hərbi hədəflərə hücum həyata keçirib.

Publika.az xəbər verir ki, bu barədə Husilərin hərbi sözçüsü Yəhya Seri açıqlama verib.

O, həmçinin Qırmızı dənizdə ABŞ hərbi gəmilərinə ortaq hücum həyata keçirdiklərini və ABŞ-ın "USS Harry Truman" təyyarədaşıyan gəmisinin də hədəf alındığını qeyd edib.

Seri hücumların ballistik raketlər, qanadlı raketlər və pilotsuz uçuş aparatları (PUA) ilə həyata keçirildiyini bildirib. Qeyd edib ki, son günlər ABŞ hərbi gəmilərinin Qırmızı dənizin cənubuna doğru irəliləmə cəhdlərinin qarşısını alınıb:

"ABŞ-ın hücumları yəmənliləri daha da qətiyyətli edəcək. Qarşıdakı günlərdə müdafiə əməliyyatlarımızı tədricən genişləndirəcəyik".