10:24

Bursanın Uludağ bölgəsində yerləşən və aşkar edilən bəzi nöqsanlara görə bağlanan “Karvansaray” otelində yanğın baş verib.

Axar.az xəbər verir ki, hadisə bu gün səhər saat 05:30 radələrində otelin kafe-restoran hissəsində başlayıb və sürətlə digər mərtəbələrə yayılıb.

İlkin məlumatlara görə, oteldə olan 13 nəfərdən biri həyatını itirib, 3 nəfər isə tüstüdən zəhərlənib.

Yaralılar xəstəxanaya çatdırılıb, vəziyyətlərinin ağır olduğu bildirilir.

***

Uludağdakı oteldə baş verən yanğında ölənlərin sayı 2-yə qalxıb.

***

Uludağda “Karvansaray” otelində baş verən yanğın nəticəsində ölənlərin sayı artıb.

Türkiyə Xizək və Snoubord Müəllimlər Dərnəyinin sədri Yəhya Usta, xanımı Fikriyə Usta və onların Alp dağlarında dünya xizək çempionu olan 24 yaşlı oğlanları Berkin Usta dünyasını dəyişib.