Husilər hücumları dayandırsa, ABŞ onlara qarşı əməliyyatı sonlandırmağa hazırdır.

Axar.az xəbər verir ki, bu barədə ABŞ müdafiə nazirinin ictimaiyyətlə əlaqələr üzrə köməkçisi Şon Parnell deyib.

“Husilər bunun nə vaxt bitəcəyini müəyyən etməlidirlər. Biz vətənimizin təhlükəsizliyini təmin edənə və oradakı su yollarını açana, o bölgədə manevr etmək üçün yerimiz olduğundan əmin olana qədər ABŞ əməliyyatı davam edəcək", - Parnell bildirib.

Qeyd edək ki, husilərə qarşı əməliyyat ABŞ Prezidenti Trampın əmri ilə 15 martda başlayıb.