“Türkiyə və bir sıra ölkələrin Suriyada baş verən hadisələrə birbaşa təsiri olub”.

Globalinfo.az xəbər verir ki, bunu İranın xarici işlər naziri Abbas Araqçı deyib.

“Türkiyə və bir neçə ölkənin Suriyada baş verən hadisələrə birbaşa təsir göstərdiyinə kiminsə şübhəsi olduğunu düşünmürəm. Buna görə də İsrailin Suriya ərazisini geniş miqyasda işğal etməsi, Suriyanın bütün müdafiə və elmi infrastrukturunu məhv etməsi və bunun nəticəsində yaranan bütün münaqişələr kimi indi yaranmış problemlərə görə məsuliyyət təbii ki, bu dəyişiklikləri və inkişafı həyata keçirənlərin üzərinə düşür”, – İranın xarici işlər naziri bildirib.

Onun sözlərinə görə, bu, İranın Türkiyə ilə münaqişədə olması demək deyil.

“Biz dostluq münasibətlərimiz və regional məsələlər üzrə məsləhətləşmələrimizi davam etdirəcəyik”, – A.Araqçı əlavə edib.