Avropa ölkələri ABŞ-la mübarizə üçün alternativ yollar axtarır.

Globalinfo.az xəbər verir ki, bu barədə “Vol Strit Jurnal” (VSJ) məlumat yayıb.

Qeyd olunub ki, bəzi Avropa İttifaqı (Aİ) ölkələrinin nümayəndələri qoşunlarının Ukraynada təmas xəttində deyil, potensial sərhəddən uzaqda yerləşdirilməsi ideyasını nəzərdən keçirməyi təklif ediblər:

“Bu ideya çərçivəsində Aİ qoşunları Ukrayna ordusunun təchizatı və təlimi ilə məşğul olacaq. Fransa, Böyük Britaniya və İsveç lehinə səs versə də, Almaniya, İtaliya, Polşa və İspaniya təklifə qarşıdır. Danimarka isə nizamlanma məsələsində ABŞ-ın mövqeyini tam başa düşmək zərurətini əsas gətirib və dəqiq cavab verməyib”.

Bildirilir ki, avropalı siyasətçilər münaqişənin həllindən sonra ABŞ-ın demarkasiya xətti boyunca təhlükəsizliyin qorunması məsələsini Aİ-nin öhdəsinə buraxacağından qorxurlar:

“Bu da Avropa ölkələrindən çox xərc tələb edəcək”.

Qeyd edək ki, fevralın 17-də Fransa prezidenti Emmanuel Makronun sədrliyi ilə Parisdəki Yelisey sarayında Avropa İttifaqı liderlərinin fövqəladə qeyri-rəsmi görüşü baş tutub. Toplantıda Avropanın Ukraynaya dəstək variantları müzakirə edilib.