İsrail və ABŞ İranın nüvə silahına malik olmaması ilə bağlı ortaq mövqedədir.

Publika.az xəbər verir ki, bunu İsrailin baş naziri Benyamin Netanyahu ABŞ dövlət katibi Marko Rubio ilə Qüdsdə keçirdiyi mətbuat konfransında bildirib.

"Biz bir çox məsələləri müzakirə etdik, lakin onların heç biri İrandan vacib deyil. İsrail və Amerika bu təhlükə qarşısında çiyin-çiyinə dayanıblar. Ayətullahların nüvə silahına malik olmaması mövzusunda həmrəyik", - Netanyahu vurğulayıb.

Onun sözlərinə görə, Vaşinqton və Təl-Əviv də İranın regiona təcavüzünün dayandırılmasının vacibliyi mövzusunda həmfikirdirlər. O, son 16 ayda İsrailin Tehranın müttəfiqlərinə ciddi zərbə vurduğunu qeyd edərək, ABŞ-ın dəstəyi ilə bu işin yekunlaşacağına əminliyini ifadə edib.