ABŞ Hərbi Hava Qüvvələri 2026-cı ilin yazında Yaponiyanın əsas Honsyu adasının şimalında yerləşən Misava aviabazasında 48 ədəd beşinci nəsil "F-35A" döyüş təyyarəsini yerləşdirməyə başlayacaq.

Teleqraf.com xəbər verir ki, bu barədə "Kyodo" agentliyi yerli bələdiyyəyə istinadən məlumat yayıb.

"Misava ABŞ və Yaponiya Hərbi Hava Qüvvələri arasında bölüşdürülür. Tokio 2018-ci ildən ABŞ-dan alınan və həmçinin lisenziya əsasında Yaponiyada yığılan "F-35A"larını orada saxlayır. Tokio bu yolla hərbi hava qüvvələrinin ehtiyacları üçün iki modifikasiyadan ibarət cəmi 105 ədəd "F-35" almaq və iki yüngül təyyarə daşıyıcısını təchiz etmək niyyətindədir", - deyə məlumatda qeyd olunur.

Xatırladaq ki, əvvəllər Pentaqon Misavaya 48 ədəd "F-35A"nın yerləşdirilməsinin planlaşdırıldığını bildirsə də, konkret tarixlər açıqlamamışdı. Onlar hazırda orada olan 36 ədəd dördüncü nəsil "F-16" qırıcı-bombardmançı təyyarələrini əvəz etməlidirlər. Bu bazada anqarların və digər obyektlərin modernləşdiriləcəyi və ya yenidən qurulacağı bildirilir.