Son dəqiqə
Kolumbiyada helikopter qəzası: 8 hərbçi öldü
Kolumbiya Hərbi Hava Qüvvələrinə məxsus “Huey II” helikopteri ölkənin şərqində qəzaya uğrayıb.
Axar.az xəbər verir ki, bu barədə ölkə Prezidenti Qustavo Petro X sosial şəbəkəsindəki hesabında bildirilib.
“Viçada departamentində humanitar missiyada olan Kolumbiya Hərbi Hava Qüvvələrinin səkkiz əməkdaşının ölümünü təəssüflə bildirirəm. Onların helikopteri qəzaya uğrayıb. Ölkə üçün bu kədərli məqamda ailələrlə həmrəy olduğumu bildirirəm”, - deyə o vurğulayıb.
Qəzanın səbəbləri hələ müəyyən edilməyib.
