“2020-ci il müharibəsi ilə istədikləri nəticəni əldə edə bilmədilər, indi davamını gətirməyə çalışırlar”.

Globalinfo.az xəbər verir ki, bu sözləri erməni hərbi ekspert Karen Ovannisyan jurnalistlərin “İsrailin sentyabrın 27-dən bəri Livana daha güclü və intensiv hücumları təsadüfdürmü?” sualını cavablandırarkən deyib.

O bildirib ki, bu sualların cavabını 4 il əvvəl regionda baş verən (44 günlük) müharibənin arxasında dayanan qüvvələr cavablandıra bilərlər:

“Azərbaycanla hərbi əməkdaşlıq edən İsrailin sentyabrda başlayan əməliyyatlardan gözləntiləri nədir, o, regionu hara aparmağa çalışır? Bu sualların əlbəttə ki, cavabı var. Buna ancaq dörd il əvvəl başlayan müharibənin arxasında duranlar birmənalı cavab verə bilər. Nəyin bahasına olursa-olsun, müharibəni bölgəmizə köçürməyə çalışırlar.

Mən şəxsən İranın heç olmasa, indiki mərhələdə birbaşa müharibəyə cəlb olunmasını istəmirəm”.