Rus qoşunlarının Pokrovsk istiqamətində irəliləməsi təkcə mühüm təchizat xətlərini deyil, şəhərin özünü və onun bütün mülki əhalisini təhdid edir.

Axar.az xəbər verir ki, bunu “Forbes”in analitiki Devid Eks deyib.

“Bu, həm də Pokrovskdan cənubda Ukrayna qoşunları üçün son dərəcə təhlükəli vəziyyət yaradır. Pokrovska yaxınlaşan ruslar Memrik kəndi ilə Vovça çayı arasındakı xətti saxlayan Ukrayna qüvvələrini yan keçiblər. Nəticədə şərqdən rus xəttinə doğru uzanan açıq bir hədəf yaranıb. Bu hədəf rusların bir neçə həlledici manevrləri ilə yüzlərlə Ukrayna əsgəri üçün tələyə çevrilə bilər. Burada 59-cu motoatıcı briqada, 68-ci briqada, 117-ci ərazi müdafiə briqadası və 15-ci milli qvardiya briqadasının hissələri var. Briqadaların bütövlüyü və davamlılığı bu sahənin şimal istiqamətində Ukrainsk kəndini müdafiə edən 25-ci hava kəşfiyyat briqadasından asılıdır”, - o bildirib.