Türkiyə Rusiyanın S-400 zenit-raket komplekslərindən (SAM) imtina edərək Amerikanın F-16 qırıcılarının alınmasına qərar verib.

Publika.az xəbər verir ki, bu barədə “Cümhuriyyət” qəzeti mənbələrə istinadən məlumat yayıb.

“Rusiyadan 2,5 milyard dollara alınan və ABŞ- la münasibətlərdə böhrana səbəb olan S-400 hava hücumundan müdafiə sistemlərinin hələ də anbarlarda saxlandığı iddia edilir. Pərdəarxası məlumatlara görə, Türkiyə S-400 probleminin həlli ideyasını müzakirəyə çıxarıb ki, bu da ABŞ-ın F-35-ləri satması üçün şərtdir ”, - nəşr mənbələrə istinadən yazır.

Materialın müəllifləri Ankaradakı Amerika səfirliyinin əməkdaşları ilə də əlaqə saxlayıblar.

“Onlar mümkün sövdələşmə faktını inkar etmədilər, indi “topun Türkiyənin meydançasında olduğunu” vurğuladılar. Güman edilir ki, bu təyyarələr Yunanıstanla münasibətlərin pisləşməsi fonunda Türkiyə tərəfinə lazımdır”, - məlumatda bildirilir.

Daha əvvəl analitik Engin Özer bildirib ki, Türkiyə alternativ plan həyata keçirir və Rusiyadan aldığı S-400 hava hücumundan müdafiə sistemlərini Liviyada yerləşdirəcək.