Mayın 15-də sui-qəsd cəhdinə məruz qalaraq yaralanan Slovakiya Baş naziri Robert Fitsonun səhhəti tədricən yaxşılaşır.

Axar.az xəbər verir ki, bu barədə siyasətçinin müalicə aldığı Banska-Bistritsa şəhərindəki “Ruzvelt” xəstəxananın baş həkimi Miriam Lapunikova deyib.

“Ümid edirik ki, onun səhhəti getdikcə yaxşılaşacaq”, - deyə baş həkim bildirib.

Qeyd edək ki, mayın 15-də Handlova şəhərində R.Fitsoya qarşı sui-qəsd cəhdi olub. O, 5 güllə yarası alıb və 4 dəfə əməliyyat olunub.