ABŞ prezidenti Co Bayden, Yaponiyanın baş naziri Fumio Kişida və Filippin prezidenti kiçik Ferdinand Markos Ağ Evdə üçtərəfli sammit keçirib. Liderlərin yaydığı birgə bəyanatda Çinin Cənubi Çin dənizində təhlükəli və aqressiv münasibəti və qanunsuz iddiaları ilə bağlı “ciddi narahatlıq” olduğu vurğulanıb.
Elchi.az xəbər verir ki, ABŞ prezidenti Co Bayden , Yaponiyanın baş naziri Fumio Kişida və Filippin prezidenti kiçik Ferdinand Markos Ağ Evdə üçtərəfli sammit keçirib.
İlk sammitin əvvəlində verdiyi açıqlamada Bayden Hind-Sakit okean strategiyasını yeni bir ölçüyə daşımaq istədiyini ifadə edərək, “Birləşdiyimiz zaman hər kəs üçün daha yaxşı bir gələcək qura bilərik” – deyib.
Kişida üç ölkənin Sakit Okeanla bağlanan “təbii tərəfdaşlar” olduğunu vurğulasa da, Markos deyib: “Dövrümüzün mürəkkəb problemləri ilə üzləşmək hamının birgə səyini, ümumi məqsədə bağlılığı və qaydalara əsaslanan sarsılmaz sadiqliyi tələb edir”
Bağlı qapılar arxasında keçirilən görüşdən sonra Ağ Ev tərəfindən “Yaponiya, Filippin və ABŞ liderlərinin Birgə Baxış Bəyanatı” dərc olunub. Bəyanatda ölkə liderlərinin “bərabər tərəfdaşlar və etibarlı dostlar” kimi bir araya gəldiyi bildirilib və “Bizi azad və açıq Hind-Sakit okean və beynəlxalq hüquqa əsaslanan beynəlxalq nizam vizyonu birləşdirir” deyib. Biz gələcək onilliklər ərzində bu vizyonu birlikdə inkişaf etdirəcəyimizə söz veririk. “Əsas etibarı ilə biz inanırıq ki, birlikdə işləməklə biz xalqlarımızın, Hind-Sakit okean regionunun və dünyanın təhlükəsizliyini və rifahını inkişaf etdirə bilərik”.