Rusiyanın xarici işlər naziri Sergey Lavrov aprelin 12-də Belarusa səfər edib.

Publika.az xəbər verir ki, bu barədə TASS məlumat yayıb.

Bildirilib ki, XİN rəhbəri Minsk şəhərində keçiriləcək MDB Xarici İşlər Nazirləri Şurasının (XİNŞ) növbəti iclasına sədirlik edəcək.

Rusiya Xarici İşlər Nazirliyinin rəsmi nümayəndəsi Mariya Zaxarovanın verdiyi məlumata görə, nazirlər MDB-nin əsas iş istiqamətlərini nəzərdən keçirəcəklər. Əsas diqqətin MDB regionunda təhlükəsizlik sahəsində əməkdaşlığın artırılması, çağırış və təhdidlərə qarşı mübarizə, eləcə də mədəni-humanitar əməkdaşlığa yönələcəyi gözlənilir.

Bundan əvvəl Ermənistanın xarici işlər naziri Ararat Mirzoyanın MDB Xarici İşlər Nazirləri Şurasının iclasında iştirak etməyəcəyi məlum olub.

Hüseyn İbadlı