Avropa İttifaqı Şurası 2024-cü ilin martından etibarən Şengen ölkələri, Rumıniya və Bolqarıstan arasında pasport nəzarətini ləğv etmək barədə rəsmi qərar qəbul edib.
Publika.az xəbər verir ki, bu barədə TASS İspaniyanın Aİ-dəki sədrliyinin bəyanatına istinadla məlumat yayıb.
Sənəddə deyilir: "Aİ Şurası Şengen zonasını Bolqarıstan və Rumıniyaya genişləndirmək qərarına gəlib"
Bildirilir ki, yenilik yalnız hava və dəniz nəqliyyatında tətbiq olunacaq. Quru keçid məntəqələrində isə əvvəlki kimi qalacaq. Bu iki ölkə üçün "qismən Şengen"in tətbiqinin Avropa İttifaqı tarixində ilk presedent olduğu vurğulanır.
Bundan əvvəl Bolqarıstanın baş naziri Nikolay Denkov bəyan etmişdi ki, Avstriya ilə Bolqarıstan və Rumıniyanın Şengen zonasına daxil olmasına dair prinsipial razılıq əldə olunub.
Həmçinin bildirilib ki, Rumıniya da 2024-cü ilin martında hava limanlarında və dəniz limanlarında Şengen zonasına qoşulacaq.
Hüseyn İbadlı