İran Xarici İşlər Nazirliyi Rusiyanın Tehrandakı müvəqqəti işlər vəkilini VI Rusiya-Ərəb Əməkdaşlıq Forumunda son birgə bəyanata etiraz olaraq çağırıb.

Publika.az xəbər verir ki, bu barədə “Mehr” agentliyi məlumat yayıb.

“Rusiya diplomatı şənbə günü axşam Tehranda Xarici İşlər Nazirliyinin Körfəz Departamentinin baş direktorunun köməkçisi tərəfindən çağırılıb və İran İslam Respublikası hökuməti Rusiya hökumətinin sənəddə yer alan əsassız iddiaları dəfələrlə dəstəkləməsinə kəskin etiraz edib. Rusiya tərəfinə etiraz məktubu göndərilib”, - İran XİN-dən bildiriblər.

İran mediası qeyd edib ki, bundan əvvəl İran Xarici İşlər Nazirliyinin sözçüsü Naser Kənani 6-cı Rusiya-Ərəb Əməkdaşlıq Forumunun bəyanatında İranın üç adası olan Əbu Musa, Böyük Tunb və Kiçik Tunb ilə bağlı bəzi əsassız iddiaların yer almasını pisləyib.

Tural