NATO-nun baş katibi Yens Stoltenberq Brüsseldə İsrailin Qəzzaya hücumları ilə bağlı açıqlamalar verib.

Publika.az xəbər verir ki, "Bu münaqişə böyüməməlidir" deyən Stoltenberq, "Müharibə Yaxın Şərqə yayılmamalıdır. İrana mesajımız müəyyən qruplardan istifadə edərək münaqişəni yaymamasıdır" ifadələrini işlədib.

"Müttəfiqlərimiz bölgədə bir növ fəaldır, lakin NATO regionda aktiv deyil",- o bildirib.

"Mesajım budur. Beynəlxalq hüquqdan bütün münaqişələrdə istifadə edilməlidir. Qəzza və Ukraynada vəziyyət bir çox cəhətdən fərqlidir. Ukrayna heç vaxt Rusiya üçün təhlükə yaratmayıb. O, heç vaxt Rusiyaya hücum etməyib. Ona görə də Ukraynanın özünü müdafiə etmək hüququ var. Biz hamımız bununla razıyıq. Özünümüdafiə hüququ BMT-də də qeyd olunur. NATO olaraq biz Ukraynanı qorumağa davam edirik. Çünki söhbət beynəlxalq hüququn qorunmasından gedir",- deyə Stoltenberq sözlərinə davam edib.

Nəzrin