Almaniyanın Litva ərazisində daimi olaraq tank batalyonlarını yerləşdirməyə qərar verib.

Publika.az xəbər verir ki, Bu məlumatı “Augen Geradeaus” Almaniya Müdafiə Nazirliyinin rəhbəri Boris Pistoriusun bəyanatına istinadən yayıb.

Nəşrin məlumatına görə, Bundesverin 42-ci tank briqadası 2025-ci ilin əvvəlinə qədər Litvaya yerləşdiriləcək. Onun tərkibinə Şimali Reyn-Vestfaliyadan olan 203-cü tank batalyonu və Bavariyadan olan 122-ci tank qumbaraatan batalyonunun daxil olacağı bildirilir.

“Eyni zamanda, artıq gələn ilin ikinci rübündə Almaniya hərbi qulluqçularının qabaqcıl qrupu Litvaya yola düşəcək. Qərargah 2025-ci ilin dördüncü rübündə formalaşacaq”, - nəşr qeyd edib.

Pistorius əlavə edib ki, bu assosiasiya 42-ci Panzerbrigada adlanacaq. O, Almaniyadan olan 4800 əsgər və 200 mülki işçidən ibarət olacaq.