Suriya prezidenti Bəşər Əsədin ölkəsində davam edən vətəndaş müharibəsi başlayandan bəri Çinə ilk səfəri zamanı 2 ölkə arasında “strateji tərəfdaşlıq” qurulduğu bildirilib.

Publika.az “Haber Türk”ə istinadən xəbər verir ki, Əsəd 19-cu Asiya Oyunlarının açılış mərasimində iştirak etmək üçün gəldiyi Çinin Hançjou şəhərində Çin prezidenti Si Cinpinlə görüşüb.

Görüşdən sonra liderlər iki ölkə arasında “strateji tərəfdaşlıq” qurulduğunu açıqlayıblar.

Görüşdə Suriyanın diplomatik əlaqələr quran ərəb dövlətlərindən biri olduğu və ölkənin Birləşmiş Millətlər Təşkilatına (BMT) üzvlüyü ilə bağlı təklifi imzalayanlar arasında yer aldığı xatırlanıb və bəyan edilib. Strateji tərəfdaşlıq münasibətlər tarixində mühüm mərhələ olacaq. Si Çinpin Çinin Suriyanın suverenliyini, müstəqilliyini və ərazi bütövlüyünü qorumaqda, xarici müdaxiləyə, təktərəfliliyə və zorakılığa müqavimət göstərməsində dəstəklədiyini vurğulayıb.

Əsəd Suriya xalqına verdiyi dəstəyə görə Çinə təşəkkür edib:

“Çin həmişə beynəlxalq bərabərliyi və ədaləti dəstəkləyir. Böhranlarda mühüm və məsuliyyətli rol oynayır. Biz münaqişə deyil, inteqrasiya yolu ilə təhlükəsizlik və inkişaf istəyirik”.

Görüşün ardından iki ölkə arasında “Bir kəmər, bir yol” təşəbbüsü, iqtisadi və texnoloji əməkdaşlıq sahələrində sazişlər imzalanıb.

Aysel Şahmar