Gürcüstanın hakim “Gürcü Arzusu-Demokratik Gürcüstan” partiyası ölkə prezidenti Salome Zurabişvilinin impiçmenti üçün toplanmış imzaları Konstitusiya Məhkəməsinə təqdim edib.

Publika.az xəbər verir ki, bu barədə “İmedi” telekanalı məlumat yayıb.

Telekanalın məlumatına görə, hakim partiyanın sədri İrakli Kobaxidze, eləcə də buna səlahiyyət verilmiş 4 deputat impiçment təklif edib.

Prezidentin vəzifədən azad edilməsinin lehinə toplanan imzaların KM-də qeydə alınması prosesi gedir.

Xatırladaq ki, dünən Gürcüstan parlamentinin Prosessual Məsələlər Komissiyası impiçment prosesinə başlamaq üçün deputatların 80 imzasının həqiqiliyini təsdiqləyib.