Ermənilərin ötən gün “Laçın yolunu açmaqla” bağlı təxribatının fiasko ilə nəticələnməsi separatçılar arasında təşvişi artırıb.

Publika.az Globalinfo.az-ya istinadən xəbər verir ki, Laçın yolunu güc tətbiq edərək açacaqlarını deyən ermənilərin “Səlibçilər” adlı qruplaşmasının uğursuzluğu gülüş obyektinə çevrilib.

Sosial şəbəkənin erməni seqmentində bəziləri bununla Azərbaycanın qarşısında bir daha rəzil duruma düşdüklərini etiraf ediblər.

Qeyd edək ki, ermənilərdən ibarət “Səlibçilər” dəstəsi ötən gün Laçın yolunu zorla açacaqlarını iddia etmişdilər. Lakin onların aksiyası Ermənistan polisi tərəfindən sərt şəkildə dağıdılıb.