Rusiya qırıcısı Suriya hava məkanında siqnal raketi buraxıb və daha bir Amerika pilotsuz təyyarəsini vurub.

Bu isə bir ay ərzində artıq altıncı haldır.

Bu barədə Ağ Evdən məlumat verilib.

ABŞ bildirir ki, əvvəlki insidentin üzərindən heç bir sutka keçməyib. Bu zaman Rusiya hərbi təyyarələri ABŞ-nin pilotlu və pilotsuz uçuş aparatlarına təhlükəli məsafədə uçaraq ekipaj üzvlərini və təyyarələri riskə atıblar.

Anonimlik şərtləri əsasında danışan iki ABŞ rəsmisi Rusiyanın hücumu zamanı “MQ-9 Reaper” pilotsuz təyyarəsinin zədələndiyini təsdiqləyib.
“Bu həftə Rusiya qırıcısı Suriyada İŞİD döyüşçülərinə qarşı mübarizə üzrə missiyanı həyata keçirən pilotsuz təyyarəmizə artıq təhlükəli şəkildə yaxınlaşıb”, - deyə Ağ Evin mətbuat katibi Karin Jan-Pyer bildirib.

O, başqa təfərrüat barədə açıqlama verməyib. Lakin qeyd edib ki, Rusiyanın ABŞ pilotsuz təyyarələrinə yaxından yanaşması və adi missiya zamanı onların üzərindən siqnal raketlərini buraxması beynəlxalq normaları pozur.

Xatırladaq ki, iyulun 23-də Rusiya qırıcısı ABŞ-yə məxsus pilotsuz uçuş aparatına yaxın məsafədə uçaraq ona siqnal raketləri ilə atəş açıb.

Mənbə: ZN.ua