İstanbulda polis valyuta bazarına investisiyalarla dələduzluq etməkdə şübhəli bilinən şəxslərə qarşı genişmiqyaslı əməliyyat keçirib.

Bu barədə Publika.az "Hurriyet"e istinadla xəbər verir .

Əməliyyat nəticəsində hüquq-mühafizə orqanlarının əməkdaşları 132 nəfəri saxlayıb, onların barəsində araşdırmalar aparılır.

İstintaq zamanı məlum olub ki, şübhəlilər Kapital Bazarı Qurumunda (SPK) qeydiyyatdan keçməyən qeyri-qanuni şirkətlər yaradıblar. Onlar sərmayə qoymağı təklif edərək müştəriləri şirnikləndiriblər və sonda investisiyaların uğursuz olduğunu iddia edərək pullarını mənimsəyiblər.

Bundan sonra 160-dan çox ayrı-ayrı şirkət oğurlanmış pulların “izini itirməyə” kömək edib. Vəsaitlər Britaniya və Monteneqroya çıxarılıb.

Təxmini hesablamalara görə, fırıldaqçılar bununla 520 milyon dollara yaxın gəlir əldə ediblər.