Peskov SSRİ-nin yenidən yaradılması ideyasını şərh edib.

Publika.az “İzvestisiya"ya istinadən xəbər verir ki, Rusiya prezidentinin mətbuat katibi Dmitri Peskov SSRİ-nin yenidən qurulmasını qeyri-mümkün adlandırıb.

“Prezident Vladimir Putin dedi ki, Sovet İttifaqının dağılmasına peşman olmayanların ürəyi, Sovet İttifaqını bərpa etmək istəyənlərin isə başı yoxdur. Mənə elə gəlir ki, SSRİ-nin yenidən qurulmasından danışanların mumlu münasibətinin ən dolğun izahı budur. Bu, mümkün deyil”, - Kreml sözçüsü bildirib.

Eyni zamanda o, keçmiş SSRİ ərazisində tətbiq oluna biləcək inteqrasiyanın müxtəlif formalarının olduğunu qeyd edərək, Rusiya və Belarusun İttifaq dövlətini misal çəkib.

“Yaxın tariximizdə ittifaq müqaviləsinin icrası ilə bağlı sürüşmələr oldu, lakin sonra yüksək dinamika ilə həyata keçirilməyə başlayan milli proqramlar hazırlandı. Bu, tamamilə iki ölkənin maraqlarına uyğundur, həm prezident Putin, həm də prezident Aleksandr Lukaşenko bu barədə danışıblar”, - Peskov bildirib.

Qeyd edək ki, fevralın 17-də Putin və Lukaşenko Moskvada görüşüblər. Belarus prezidentinin gəlişi ərəfəsində Peskov jurnalistlərə xəbərdarlıq edib ki, “ətraflı söhbət” olacaq. Belarus prezidentinin sözlərinə görə, danışıqlar zamanı təhlükəsizlik, müdafiə, eləcə də iki ölkə hökumətləri tərəfindən iqtisadi sahədə verilən tapşırıqların yerinə yetirilməsinin 80%-nə çatan inteqrasiya mövzularına toxunulub.