"Rusiya Federasiyasının parçalanmasına artıq start verilib".

Publika.az xəbər verir ki, bunu Ukraynanın Milli Təhlükəsizlik və Müdafiə Şurasının katibi Aleksey Danilov bildirib.

"Bizim proqnozlarımız, analitik qənaətlərimiz belə nəticəyə gəlir ki, Rusiyanın parçalanması artıq başlanmış prosesdir. Qərb bununla razılaşmaq istəmir", - o qeyd edib.

Danilovun fikrincə, Qərbin bu mövqeyi səhvdir. O, dünyanı Rusiyanın parçalanmasına hazırlaşmağa çağırıb.

Danilov izah edib ki, orada mövcud olan nüvə silahları hər an Rusiyanın bəzi şəxsi hərbi qruplarının nəzarəti altında ola bilər.

"Rusiya parçalanmayana qədər, bu çılğın qonşu ilə bağlı təhlükəsiz olmadığımız zaman heç bir müharibə dayana bilməz", - Danilov əlavə edib.