Son dəqiqə
Bu ölkə zəlzələ bölgəsinə çay göndərib
Şri-Lanka zəlzələdən zərər çəkmiş Türkiyəyə çay göndərib.
Cebhe.info xəbər verir ki, bu barədə ölkənin Xarici İşlər Nazirliyi məlumat yayıb.
“Şri-Lanka hökuməti dağıdıcı zəlzələlərdən zərər çəkənlərə çatdırılması üçün Türkiyənin Kolombodakı səfirinə Seylon çayı hədiyyə edib”, - nazirliyin açıqlamasında deyilir.
Fevralın 6-da Kahramanmaraşın Pazarcık bölgəsində 7,7 bal gücündə, Elbistan bölgəsində isə 7,6 bal gücündə iki dağıdıcı zəlzələ qeydə alınıb. Zəlzələlərin ardınca daha 1330 yeraltı təkanın baş verdiyi bildirilir. Prezident Rəcəb Tayyib Ərdoğan fevralın 12-dək milli matəm elan edib.
