"Tuzla" quru yük gəmisi Dneprdəki Xerson limanında lövbərdə ( Ukrayna Silahlı Qüvvələrinin nəzarətində olan çayın sağ sahilində yerləşir) olarkən raketlə vurulub.

Publika.az-ın məlumatına görə, Türkiyənin "Veryansın" TV kanalı yanvarın 24-ü axşam saatlarında ticarət gəmisinin kapitanına istinadən xəbər verir ki, gəminin körpüsü yanıb.

Türk şirkəti tərəfindən idarə olunan "Tuzla" 24 fevral 2022-ci ildən Xersonda lövbər salır. Onun Avtomatik İdentifikasiya Sistemi (AIS) son səkkiz ay ərzində qeyri-aktiv edilib.

Gəminin dəqiq nə vaxt - ötən çərşənbə axşamı və ya daha əvvəl hücuma məruz qaldığı hələ dəqiq deyil. Bununla belə, bir neçə saat əvvəl internetdə Tuzla körpüsünün raket hücumundan sonra yandığını əks etdirən video yayılıb.