Rusiya Xarici İşlər Nazirliyi Laçın dəhlizi ilə bağlı açıqlama yayıb.

KONKRET.az xəbər verir ki, Rusiya Xarici İşlər Nazirliyi Azərbaycan və Ermənistanı üç ölkə arasında 9 noyabr 2020-ci il tarixli üçtərəfli bəyanatlarda göstərilən müddəalara əməl etməyə çağırıb və Laçın yolundan yalnız bu sənəddə qeyd olunan məqsədlər üçün istifadə edilməli olduğunu vurğulayıb.

“Biz Bakı və İrəvanı Rusiya, Azərbaycan və Ermənistan liderlərinin 9 noyabr 2020-ci il tarixli Bəyanatının bütün müddəalarına ciddi əməl etməyə çağırırıq. Qeyd edək ki, Laçın yolundan yalnız bu sənəddə göstərilən məqsədlər üçün istifadə edilməlidir. Ümid edirik ki, tərəflər regionda filiz yataqlarının işlənməsi ilə bağlı razılığa gələcəklər”, – deyə məlumatda bildirilir.

Mesajda o da bildirilir ki, Rusiya regionda nəqliyyat-iqtisadi əlaqələrin qarşısının alınmasına, Ermənistan-Azərbaycan sərhədinin delimitasiyasına, Bakı ilə İrəvan arasında sülh müqaviləsinin hazırlanmasına yönəlmiş bütün üçtərəfli sazişlər kompleksinin ən yüksək səviyyədə hərtərəfli həyata keçirilməsinin tərəfdarıdır.

Rusiya tərəfi, xüsusən də Rusiya sülhməramlı kontingentinin (RSK) rəhbərliyi regiondakı vəziyyətin nizamlanması üçün ardıcıl addımlar atmaqda davam edir.

“Biz vurğulayırıq ki, Rusiya, Azərbaycan və Ermənistan liderləri oktyabrın 31-də Soçidə keçirilən sammitdə qeyd ediblər ki, onların yerləşdirildiyi ərazidə təhlükəsizliyin təmin edilməsinə əsas töhfə verən Rusiya sülhməramlılarıdır.

Biz sülhməramlılarımıza qarşı hər hansı açıq hücum və təxribatları qəbuledilməz və Ermənistan-Azərbaycan münasibətlərinin normallaşması prosesinə ciddi ziyan vuran məqsədyönlü hərəkətlər kimi qiymətləndiririk”, – deyə bəyanatda bildirilir.