ABŞ İranın Qərbi Azərbaycan və Kürdüstan əyalətlərində nümayişçilərə qarşı zorakılıq tətbiqinə görə məsuliyyət daşıyan üç məmura qarşı sanksiya tətbiq edib.

32gun.az xəbər verir ki, bu barədə ABŞ dövlət katibi Antoni Blinken yerli mətbuata açıqlama verib:

ABDden İran adımı: Üç yetkiliye yaptırım uyguladı

"Birləşmiş Ştatlar İran hakimiyyətinin dinc nümayişçilərə qarşı zorakılığı artırması ilə bağlı xəbərlərdən çox narahatdır.

İranın Kürdüstan əyalətində və onun ətrafında dinc hökumət əleyhinə nümayişlərə qarşı zorakılıqla repressiyalarını gücləndirən İranın təhlükəsizlik qüvvələri, o cümlədən İran İnqilab Keşikçiləri Korpusu (SEPAH) qüvvələri üçün əlavə addımlar atırıq".

Antoni Blinken bildirib ki, ABŞ Maliyyə Nazirliyi İranın Qərbi Azərbaycan vilayətindəki İnqilab Keşikçiləri Korpusunun komandanı Məhəmməd Tağı Osanlunu sanksiya siyahısına daxil edib.

Dövlət katibi İran Hüquq-mühafizə orqanları komandiri Əlirza Moradiyə də sanksiya tətbiq etdiyini bildirib.

Blinken həmçinin qeyd edib ki, Xəzinə Nazirliyi Kürdüstan əyalətinin Sənəndəc vilayətinin qubernatoru və İnqilab Keşikçiləri Korpusunun keçmiş komandirlərindən olan Həsən Əskərinin də həmin siyahıda olduğunu vurğulayıb.