Rusiya Aerokosmik Qüvvələrinin aviasiyası Nikolayev vilayətində Ukraynaya məxsus Mi-8 vertolyotunu vurub.

Publika.az xəbər verir ki, bu barədə Rusiya Müdafiə Nazirliyi məlumat yayıb.

“Rusiya Aerokosmik Qüvvələrinin qırıcı aviasiyası Nikolayev vilayətinin Zaselye yaşayış məntəqəsi yaxınlığında Ukrayna Hərbi Hava Qüvvələrinə məxsus Mi-8 vertolyotunu vurub”, - deyə məlumatda bildirilir.

Bundan əlavə, sutka ərzində beş pilotsuz təyyarə hava hücumundan müdafiə sistemləri tərəfindən məhv edilib, HIMARS reaktiv yaylım atəş sisteminin 25 reaktiv mərmisi isə havada vurulub.