İran Rusiyanın texnikadan ac qalan qüvvələrinə Ukraynadakı hədəflərə zərbə endirmək üçün daha çox döyüş pilotsuz təyyarələri göndərə bilər.

Bu barədə Publika.az ABŞ-ın dövlət katibi Entoni Blinkenin bəyanatına istinadla xəbər verir.

"Biz hesab edirik ki, Rusiya artıq İrandan onlarla belə PUA alıb və daha çoxu işlənmə mərhələsindədir", - Blinken deyib.

Blinken bildirib ki, ABŞ İranın səylərinə qarşı durmağa və Ukraynanın hücumları dəf etmək qabiliyyətini gücləndirməyə çalışır. O, əvvəllər Rusiyanın silah ixracında İrandan asılılığını ABŞ-ın sanksiyalar tətbiq etmək və Rusiya sənayesini sarsıtmaq səyləri fonunda çarəsizliyin əlaməti kimi tənqid edib.

"Biz silahların, o cümlədən PUA-ların qanunsuz dövriyyəsinin qarşısını almağa çalışırıq, harada görsək, tapırıq və blok edirik. Partnyorlarımızın, o cümlədən Ukraynadakı PUA-ların və ya İranın iştirak edə biləcəyi hər hansı digər silah sistemlərinin istifadəsinə qarşı müdafiə imkanlarını artırmağa davam edirik", - dövlət katibi əlavə edib.

Xatırladaq ki, ABŞ Rusiyanın Ukraynadakı müharibəni bitirməkdə maraqlı olduğunu görmür .

ABŞ həmçinin İranı Rusiyaya kamikadze pilotsuz təyyarələr təhvil verdiyinə görə sanksiyalarla hədələyib .