Türkiyədə ən qorxulu xəstəlik yeni variantla geri dönüb.

Türkiyədə ən qorxulu xəstəliklərdən biri olan Krım-Konqo qızdırması yay aylarında artmaqla yanaşı, yeni bir bakteriya növü də meydana çıxarıb. Damarların tıxanmasına səbəb olan bu bakteriya növü təkcə kənd yerlərində deyil, şəhərlərdə də görülüb.

Bu xəstəlik bir müddət əvvəl Türkiyədə yay aylarının əvvəlində xüsusilə Tokat, Sivas, Çorum kimi vilayətlərdə vətəndaşların ölümünə səbəb olub.

Ankara Universiteti Baytarlıq Fakültəsi Parazitologiya Fundamental elm sahəsi üzrə mütəxəssis Dr. Ömər Orkun bildirib ki, gənə patogenləri və onların törətdiyi xəstəliklər dünya miqyasında insan və heyvan sağlamlığını ciddi şəkildə təhdid edir.

Həkim sözügedən bakteriyanın insanlarda qan damarlarının iltihabı və tromboembolik patogenliyi ilə bəzi pozğunluqlara səbəb ola biləcəyinə diqqət çəkib:

"Son illərdə Avropa, Türkiyədəki hadisələrə baxdığımızda, bu bakteriyanın immun sistemi çox yaxşı olan sağlam insanlarda ciddi xəstəliyə səbəb olduğu görülüb”./azxəbər