“Azərbaycanda dollar satışına məhdudiyyət 2016-cı ildən etibarən tətbiq edilir. 2020-ci ilin mart ayından isə Mərkəzi Bank tərəfindən dolların məhdud şəkildə satışının həyata keçirilməsi ilə bağlı kommersiya banklarına qeyri-rəsmi icazə verilib”.

Bu sözləri Publika.az-a açıqlayan iqtisadçı ekspert Xalid Kərimli bildirdi ki, hazırda bankarın dollar satışı ilə bağlı heç bir məhdudiyyət yoxdur:

“Bir vətəndaş il ərzində 20 manat həcmində sənədsiz xarici valyuta ala bilər. Əgər bu məbləğ artarsa, vətəndaş şəxsiyyət vəsiqəsini təqdim etməli və alınacaq valyutanın mənbəyini açıqlamalıdır. Yəni, əmək haqqı, icarə, daşınmaz əmlak satışı, yaxud dividend gəlirləri ilə bağlı sənəd təqdim edilməldir. Bank da sənədə baxaraq, vətəndaşın bu vəsaitlərin şəffaf mənbələrdən qazandığını və vergi ödədiyini görməlidir. Şirkətlər, yəni fiziki və hüquqi şəxslər də lazım olan sənədləri təqdim etdikdən sonra istədikləri vəsaiti əldə edə bilərlər. Bəs ixrac məhsulları ölkəyə hansı valyuta ilə daxil olur və bazarlarda satılır? Bütün alqı-satqı və ödəmələr xarici valyutalarla həyata keçirilir. Buna görə də onlar üçün dollar satışına ciddi məhdudiyyət qoyulmur”.